നീർക്കോലികൾ ഫണം വിരിക്കുമ്പോൾ....

നിഴലുകൾക്കു പോലും നിറമുള്ള കാലത്ത് നീർക്കോലിക്കെന്താ ഫണം വന്നുകൂടെ...?അറിവിന്റെ ഉൾക്കാഴ്ച്ചക്കു ആഴം പോരാ എന്നു എനിക്കു തന്നെ തോന്നിത്തുടങ്ങിയിരിക്കുന്നു..
ഒരെത്തും പിടിയും കിട്ടുന്നില്ല,ഫണം മൂർഖന്റെ പരമ്പര്യ സ്വത്തല്ലെ..? അതോ ബീജസങ്കലനത്തിന്റെ അനന്തസാധ്യത നീർക്കോലിയും പരീക്ഷിച്ചോ..?



                                            മൂക്കില്ലാ രാജ്യത്തെ മുറിമൂക്കനായ മൂർഖൻനീർക്കോലിയുടെ സ്വകാര്യ അഹങ്കാരമായിരുന്നു കഴുത്തിലെ മറുക്.ഇതര നീർക്കോലികൾക്കിടയിൽ മൂർഖൻനീർക്കോലിയുടെ മറുകിൻ മഹത്വം പപ്പടവട്ടത്തിലുള്ള ഫണമായി വളർന്നിരുന്നു.മറുകിൻ അഹന്തയും പേറി മൂർഖൻനീർക്കോലി,കരിമൂർഖൻ,അണലി,പെരുമ്പാമ്പ്,ഇത്യാദി സാമ്രാജ്യത്തിലൊക്കെ അലഞ്ഞെങ്കിലും അവിടുന്നെല്ലാം ഇളിഭ്യനായി മടങ്ങി.
                                           കഥ പുരോഗമിച്ചു നീർക്കോലിപുരാണമാകുന്നുണ്ടെങ്കിലും ഇവിടെ കഥയുടെ ആധികാരികത സാന്തർഭികമാണു.ഇന്നു നമ്മുടെ സമൂഹത്തിൽഇത്തരം  നീർക്കോലികൾ അഴിഞ്ഞാടുകയല്ലെ.ഇവർ സദാചാരപ്പോലീസായി, രഷ്ട്രീയമേലാളമ്മരായി, ഉദ്യോഗസ്ഥ കുബുദ്ധികളായി,കുഞ്ഞുപൈതൽ തൊട്ട് മുത്തശ്ശിമാരിൽ വരെ കാമാസക്തിക്ക് ശമനം കണ്ടെത്തുന്നവരായി വിലസുമ്പോഴും,മുല്ലപ്പെരിയാറിന്റെ രോദനം ഇടിമുഴക്കമായി തലക്കു മുകളിൽ മുഴങ്ങുമ്പോഴും,വിവരമുണ്ട് വിദ്യഭ്യാസമുണ്ട് എന്നഹങ്കരിച്ച് ,ആർജ്ജവമില്ലാത്ത ഇച്ഛാശക്തിയില്ലാത്ത നേതൃത്വത്തിനു ഓശാനപാടി.. അഹന്തയും അഹങ്കാരവും അസൂയയും പേറി നടക്കും സമൂഹമേ,ഇനി എന്നാണു നമ്മൾ ഉണരുക..?

CVA ജബ്ബാർ.