Saturday, December 24, 2011

നീർക്കോലികൾ ഫണം വിരിക്കുമ്പോൾ....


നിഴലുകൾക്കു പോലും നിറമുള്ള കാലത്ത് നീർക്കോലിക്കെന്താ ഫണം വന്നുകൂടെ...?അറിവിന്റെ ഉൾക്കാഴ്ച്ചക്കു ആഴം പോരാ എന്നു എനിക്കു തന്നെ തോന്നിത്തുടങ്ങിയിരിക്കുന്നു..
ഒരെത്തും പിടിയും കിട്ടുന്നില്ല,ഫണം മൂർഖന്റെ പരമ്പര്യ സ്വത്തല്ലെ..? അതോ ബീജസങ്കലനത്തിന്റെ അനന്തസാധ്യത നീർക്കോലിയും പരീക്ഷിച്ചോ..?

Saturday, September 17, 2011

ഉണ്ണി നമ്പൂതിരി......ഒരു കൊടും കുറ്റവാളിയോ...!!!!


നാട്ടിലെ ചെറുപ്പക്കാരൊക്കെ പണണ്ടാക്കാനു ഒരുപാടു വഴികണ്ടെത്തിയിരിക്കുണു...ഇവിടെണ്ടൊരു ശപ്പൻ.. ഒരു പുരോഗതിയുല്ല്യാ...ബ്രഹ്മിത്തല ഇറയത്തു നുള്ളിനടുന്നതിനിടയിൽ അച്ഛൻ നമ്പൂരിയുടെ വക,എനിക്കുള്ള ചാട്ടുളികൾ...കേട്ടുകേട്ടു മടുത്ത പാതിരി പ്രസംഗം പോലെ..അങ്ങ് മേലോർത്തെ മുവ്വാണ്ടൻ മാവിഞ്ചുവട്ടിൽ ചപ്പിലക്കിളികൾ കൂട്ടംകൂട്ടമായി വന്നു എന്തൊക്കെയൊ തിരയുന്നു...ഏതോ കാക്കയുടെ പൃഷ്ടത്തിൽ നിന്നും വീണ ആലിങ്കുരു കയ്യാലപ്പുറത്തുത്തന്നെ മുളച്ചിരിക്കുന്നു...
"ഉണ്ണീ....ആ തിണ്ണയിലിരുന്നു വേരുമുളപ്പിക്കെണ്ടാ..." മുറ്റടിക്കാൻ വരണ കുഞ്ഞാളുവിനു പോലും ഒരു വെലയില്ല്യണ്ടായിരിക്കുണു...ശങ്കരങ്കുട്ടീടെ പീടികയിലേക്കൊന്നു കയറിയാലോ.....ഒരു ചായേം കുടിക്കാം കുഞ്ഞുണ്ണ്യാപ്ലേടെ കയ്യിൽനിന്നും ഒരു കാജാബീഡിയും വലിക്കാം..ഇന്നിപ്പൊ,കാര്യായ്ട്ട് പണിയൊന്നു ഇല്ല്യാലൊ..,

Tuesday, September 6, 2011

മീനുട്ടി.........



മീനു,നിന്റെയ് ഫോണിനു എന്തു പറ്റി "ഓ ഒന്നും പറയണ്ട ഒരുപാടു ഓർഡേഴ്സും,ലിസ്റ്റും ഒക്കെ ക്ലിയർ ചെയ്യാനുണ്ടായിരുന്നു,അപ്പൊളേക്കും ഫൊണിലെ ചാർജ്ജ് തീർന്നുപോയി" നിന്റെയ് അമ്മ വിളിച്ചിരുന്നു ഞ്യാറാഴ്ച ഒരു പട്ടാളക്കാരന്റെ പെൺകാഴ്ച്ചക്ക് കോളുണ്ട് നിനക്കു....., ഹൊ..!!! അതൃപ്തി ഒരു നെടുവീർപ്പിലൂടെ പുറത്തേക്കു വന്നു...ഈ അമ്മക്കെന്താ അല്ലെങ്കിലും ഇന്നു ശനിയാഴ്ച്ചയല്ലെ, ഞ്യാൻ വരും എന്നറിയണതല്ലെ...... എന്താടി അമ്മയല്ലെ അതിനു ടെൻഷനാവും,, ഉം അല്ലെങ്കിലും ഈയ്യിടെ അമ്മക്കു എന്റെയ് കാര്യത്തിൽ വല്ല്യ ടെൻഷനാണു..ആ എന്തെങ്കിലും ആവട്ടെ....എടപടാന്നു എല്ലാം തീർത്തു....."ഡൈയ്സീ നീ പൊരുന്നോ.....?" എന്ന പതിവു കട്മ തെറ്റിക്കാതെ, കൊച്ചിയുടെ മാറിൽ തറച്ച കൊൺക്രീറ്റു കെട്ടിടത്തിൽ നിന്നും ഞാനിറങ്ങി.....

Friday, August 12, 2011

അനാവരണം

ജീവിതത്തിന്റെ ഓരോ താളുകളും മറിച്ചു നോക്കുമ്പോള്‍
എല്ലാം ശൂന്യമായിത്തന്നെ കിടക്കുന്നു
.ഭാവനയുടെ ഇത്തിരി അംശം മനസ്സില്‍ ഇല്ലായിരുന്നെങ്കില്‍ എന്നേ ഒളിച്ചൊടീീയേനെ.....
ഏതോ പത്രത്താളില്‍ വായീച്ചതുപോലെ
മലയാളിയുടെ പണക്കാരന്‍ ആയിത്തീരാനുള്ള കൊതി ഈമണ്ണില്‍ കാലുക്കുത്തിയതോടെ തുടങ്ങിയതാണു എനിക്കും,,,,,